Қызылшаға қарсы вакцинация басталды

Бүкіл ел бойынша қызылшаға қарсы вакцинация басталды. Себебі тұтас ел бойынша қызылша көптеп тіркеліп жатыр. Жыл басынан бері 12 мыңнан астам жағдайы тіркелген, оның ішінде 10 мыңнан астам науқас - 14 жасқа дейінгі бала.

Дәрігерлердің айтуынша, 70 пайыздан астам жағдайда ауру вакцина алмағандар арасында анықталған. Осылайша Бас мемлекеттік санитар дәрігер қызылшаға қарсы екпе науқанын бастау жөнінде арнайы қаулы шығарды. Енді қызылшаға, қызамыққа және паротитке қарсы 6 және 11 айлық сәбилерге, ал желтоқсаннан бастап — 2 және 4 жастағы балаларды қосымша жаппай иммундау жасалады.

Азамат Бейбітұлы