Елімізде әкімдер сайлауы аяқталды

Тәуелсіздік тарихында алғаш рет елімізде пилоттық режимде 42 аудан мен облыстық маңызы бар 3 қала әкімдерінің сайлауы өтті. Аудан әкімдерін сайлау бойынша Ақмола, Қостанай, Түркістан облыстары көш бастап тұр. Ал Абай және Ұлытау облыстары тек бір-бір ауданның әкімін сайлаған. Тізімге енген өңірлер қоғамдық-саяси жағдайға және тағы басқа талаптарға байланысты таңдап алынған. Халықтық таңдау форматындағы саяси науқанға 164 кандидат қатысты. Олардың арасында 69 үміткерді саяси партиялар, 95-і өзін-өзі ұсынған. Орта есеппен бір орынға 3 үміткерден келді.

Азамат Бейбітұлы