Жаңалықтарды Telegram арнамыздан оқыңыз!Алматыдағы жылу электр орталықтары толықтай газға көшіріледі. Энергетика министрі Алмасадам Сәтқалиев осылай деді. Нысандарды көгілдір отынға ауыстыру жұмыстары 2025 жылы басталып, 2026 жылға дейін аяқталады. Десе де, қазандақтарға табиғи газ қосылғаннан кейін жылу тарифі қымбаттауы мүмкін. Бұл көгілдір отынның бағасына байланысты, - деді министр. Алайда, тарифтердің күрт өсуіне жол бермейміз деп отыр.
Алмасадам Сәтқалиев, ҚР Энергетика министрі:
Алматыдағы жылу электр стансаларын газға ауыстырғаннан кейін оларды көгілдір отынмен қамту мәселесі тұр. Ол үшін «Алматы-Байсерке- Талғар» магистральді газ құбырының жанынан екінші желі салу жоспарлануда. Алдымен аймақтағы жеке сектордағы жерлерді сатып алу қажет. Оған шамамен 11 млрд 600 млн теңге қажет болады. Оны Үкімет резервінен бөлуді ойлап отырмыз.
Айя Мүтәлі
