Қаңтар оқиғасына қатысты сот үкімі шықты

Тараз қаласының нөмірі екінші соты қаңтар оқиғасына қатысты бір азаматтың ісін қарады. Оған жаппай тәртіпсіздікке қатысып, елді бүлікке шақырды және қару ұрлады деген айыптар тағылды.

Сондай-ақ, ол адамдармен өзара сөз байласып, полиция басқармасының уақытша ұстау изоляторына заңсыз кірмек болған. Айыпты азамат мемлекетке 500 мың теңгеден астам шығын келтірген. Осы жасаған кінәлары куәлердің айғақтарымен, бейнежазбалармен және де басқа заттармен дәлелденді. Судья айыпталушының кәмелетке толмаған балаларының болуына байланысты жазаны мейілінше жеңілдетіп, оған 4 жыл бас бостандығынан шектеу жазасын тағайындады. Дегенмен үкім әлі заңды күшіне енген жоқ.

Данияр Әлімқұл