Елімізде инфляция тағы төмендеді

Елімізде жылдық инфляция 7-ші ай қатарынан төмендеп келеді. Ұлттық статистика бюросының дерегінше, қазір ол 11,8 пайызға тең. Мәселен, азық-түлік инфляциясы былтыр 23,1 пайызды көрсетсе, қазір 10,8 пайызға дейін бәсеңдеген.

Ал азық-түлікке жатпайтын тауарлар 11,1, ақылы қызметтер инфляциясы 11 пайызға дейін азайған. Соған қарамастан, күнделікті тұтынатын бірқатар тауардың бағасы ырыққа көнбей тұр. Әсіресе, күріш, сәбіз, сүт және ұн өнімдері қымбаттаған. Коммуналдық қызметтің де тәрифті өсті. Ұлттық банк төрағасы инфляция келесі жылы 8 пайызға дейін төмендейді деген болжам айтты.

Айя Мүтәлі