Ұлттық қор қаражатын ұтымды және тиімді пайдалану маңызды - Ерлан Қошанов

Ұлттық қор қаражатын ұтымды және тиімді пайдалану маңызды. Бұл туралы Ерлан Қошанов Мәжілістегі «Amanat» фракциясының мүшелерінің қатысуымен өткен 2024-2026 жылдарға арналған республикалық бюджет жобасын талқылау барысында айтты. Жобада Президенттің Жолдауын және Сайлауалды бағдарламасын, сондай-ақ саяси ұйымның сайлауалды бағдарламасын іске асыру ескерілген. Партия Төрағасы бюджет жобасын қарау кезінде азаматтарға берілген уәделердің сапалы орындалуына басымдық берілетінін атап өтті.

Ерлан Қошанов – Қр Парламенті Мәжілісінің төрағасы, «Amanat» Партиясының төрағасы:

Депутаттар талдау кезінде бюджетті біз рекорд жасадық деп айтуға болады. 1 триллион 400 миллиард теңгеге дейінгі сомманы депутаттар ұсыныс-түзетулер берген. Бірінші кезекті Мемлекет басшысының халқына Жолдауы, Сайлауалды бағдарламасы мен «Amanat» партиясының бағдарламасында берілген уәделерді уақытында орындауымыз керек. Ол үшін бюджеттік процесті тоқтауға болмайды. Бұл біздің Үкіметпен бірге халық алдындағы, қоғамның алдындағы ортақ жауапкершілігіміз.

Аида Ахметбек