Жаңалықтарды Telegram арнамыздан оқыңыз!Қордай ауылында қоныс той. Мереке қарсаңында аудан орталығында 100 отбасы баспаналы болды.
Олардың дені әлеуметтік жағынан аз қамтылған жанұялар. Жалпы соңғы жылдары аудан тұрғындарын үймен қамту жүйелі іске асып келеді. Жыл соңына дейін тағы 3 тұрғын үй пайдалануға беріліп, 150 отбасы қоныс тойын тойлайды.
Ал, Павлодар облысының Тереңкөл ауданында 10 отбасына жаңа пәтердің кілті табысталды. Ауданда тағы 649 адам пәтер кезегінде тұр. Сондықтан келер жылы да, жаңа үйлер салынады. Қазір жастар ауылдық жерлерде тұрақтап қалуда. Мәселен, Жасқайрат ауылында «Дипломмен ауылға» бағдарламасы бойынша келген 2 отбасына бүгін пәтер берілді.
Данияр Әлімқұл
