Денсаулық саласына қатысты өзекті мәселелер талқыланды

Медициналық-санитарлық алғашқы көмекті қаржыландыру - жалпы көрсеткіштің 56%-ын құрайды. Былтыр елімізде жаңадан 655 алғашқы көмек нысаны іске қосылды. Бұл туралы Премьер-Министр Әлихан Смайылов Дүниежүзілік Денсаулық сақтау Ұйымы Еуропалық өңірлік комитетінің 73-ші сессиясында айтты. Жиынға әлемнің 54 елінен делегаттар келді. Екі күндік сессия аясында спикерлер денсаулық сақтау саласындағы өзекті мәселелерді, инфекциялық және инфекциялық емес аурулармен күрес туралы тақырыптарда сөз қозғады. Еліміздің Премьер-Министрі былтыр 32 аудандық аурухана жаңғыртылғанын айтты. Айта кетейік, елімізде «Ауылдық денсаулық сақтауды жаңғырту» ұлттық жобасы аясында бірқатар жұмыстар атқарылып келеді.

Аида Ахметбек