Ақтөбеде газ тарату бекеті іске қосылды

Елді газбен қамтамасыз ету – өте өзекті мәселе. Сондықтан бұл салаға да жаңашылдық керек деді Мемлекет басшысы өз жолдауында. Ақтөбеде іске қосылған газ тарату бекеті тұтынушылардың қауіпсіздігі үшін аса маңызды.

Өйткені осы нысан арқылы көгілдір отынның қысымын оңай реттеуге болады. Сондай-ақ, биыл ұзындығы 6 километр болатын желі ауыстырылды. Ескі металл құбырлардың орнына полиэтилен құбыр салынды. Соңғысының диаметрі үлкен болғандықтан, газ өткізу мүмкіндігі жоғары. Әрі бұл материал ұзаққа шыдайды.

Ақжол Ешманов, «Қазтрансгазаймақ» АҚ облыстық филиалының бөлім басшысы:

Газопроводтың қуаттылығын арттыру керек. Яғни бұрын диаметрі кішкентай болса, қазір диаметрі 600 болатын газ құбырын, саламыз. Бұл халықтың қауіпсіздігін қамтамасыз ету мақсатында жасалып жатқан жұмыстар.

Жақсыбек Кемал