Халықаралық бокс турнирінде қазақстандық боксшылар 9 алтын медаль алды

Екінші дүниежүзілік соғыстың батыры Қарақозы Әбдалиев атындағы халықаралық бокс турнирінде қазақстандық былғары қолғап шеберлері Өзбекстан мен Қытай спортшыларын айқын басымдылықпен жеңді. 13 салмақ дәрежесі бойынша өткен бәсекенің финалдық сайысында 9 боксшымыз жеңімпаз атанды. Олардың арасында 57 келіде тамаша ойын өрнегін көрсеткен Серікбай Асылжан туринирдің ең үздік боксшы деп танылды. 5 мемлекеттік үздіктері қатысқан спорт сайысында Қытай мен Өзбекстан командасы бар болғаны екі алтын медальден еншіледі. Осымен 42-ші рет өткен халықаралық турнирге енді Орталық Азия мемлекеттерімен қоса өзге елдердің де спортшыларын қатыстыру талабы қойылып отыр.

Мырзағали Айтжанов, Қазақстан бокс құрамасының бас бапкері:

Алдымызда 2 әлемдік деңгейдегі турнир бар. Біреуі Италияда наурыз айында өтеді. Екіншісі мамыр айында Тайландта өтеді. Сол турнирлерде бұған дейін алмаған жолдамаларымызды ұтуға барымызды саламыз.

Ғани Қалмаханов