Президент ХІ Азаматтық форумның ашылуымен құттықтады

Мемлекет басшысы ХI Азаматтық форум қатысушыларына үндеу жолдап, жиынға қатысушыларды форумның ашылуымен құттықтады.

Оны Мәжіліс төрағасы Ерлан Қошанов оқып берді. Президент жиырма жыл ішінде бұл шараның тиімділігі мен қажеттілігі дәлелденіп, салмақты ойлар мен салиқалы пікірлер айтылатын алаңға айналғанын айтқан. Әрі Үкіметтік емес ұйымдар және қайырымдылық қорлары, белсенді азаматтар мен еріктілер ел тағдырына бей-жай қарамай, қоғамның өзекті мәселелерін шешуге барынша атсалысып жүр. Сондықтан мемлекет пен үкіметтік емес сектордың тығыз ынтымақтастығы елімізді жан-жақты дамытуға ықпал етіп, Әділетті Қазақстанды құруға жол ашатынына сенім білдіремін - деді Президент.