Елордада Асқар Забикулин атындағы көше ашылды

Құтқарушылар күні қарсаңында Астана қаласындағы Үркер шағын ауданында өрт сөндіруші Асқар Забикулиннің аты берілген көшенің ашылуы өтті. Шараға батырдың туыстары, жолдасы мен балалары жән төтенше жағдайлар департаментінің қызметкерлері қатысты. Асқар Забикулин былтыр өрт сөндіру кезінде 3 адамды өрттен құтқарып, алған ауыр жарақаттан ауруханада көз жұмған.

Бүгінгі шара барысында батырдың ерлігі туралы айтылып, әріптестері естеліктерімен бөлісті. Сондай-ақ, батырдың аты берілген көшенің бойында тал отырғызылды.

Назарәлі Селимов, Қалалық ТЖД өрт сөндіру қызметінің бастығы:

Біздің батырымыздың атына берілген көшесі бұл, ертең ескерткіші ашылайын деп жатыр. Сол ескерткіш ашылған бөлімге Забикулиннің аты беріліп жатыр. Соның бәрі жас ұрпаққа үлгі болады деп есептеймін. Алдағы уақытта осындай жағдай болмасын деп тілеймін.

Азамат Бейбітұлы