Ауғанстандағы зілзала құрбандары жер қойнына тапсырылды

Ауғанстанда жойқын зілзаладан қаза тапқан жүздеген адамның мәйіті жер қойнына тапсырылды. Мұнда өткен сенбі күні 6,3 баллдық дүмпуден кейін 8 қуатты афтершок болған. Жер сілкінісі дүйсенбіде де қайталанды. Талибан әкімшілігінің мәліметінше, табиғи апаттан 2400 адам қаза тапты. Он мыңға жуық тұрғын жараланған. Зілзаладан елдің батысындағы Герат провинциясы орасан зардап шекті. Мұнда 13 ауыл жермен-жексен болған. Қайырымдылық ұйымдары жер сілкінісінен зардап шеккен өңірге гуманитарлық көмек жеткізіп жатыр.

Арай Төлегенқызы