Павлодар облысында екі бала суға батып кетті

Павлодар облысында бір үйден екі бірдей бала суға батып кетті. Оқиға Успенка ауданы, Галицкое ауылында болған. 7 және 8 жастағы екі ұлын таба алмай қалған анасы іңір түсе полицияға хабар берген. Түн ішінде бүкіл ауыл болып іздеп, суда қалқып жүрген балалардың денесін тапқан. Егін суаруға арналған су қоймасына балалардың неліктен барғаны белгісіз. Мәйітте зорлық-зомбылық белгілері жоқ-деді полиция қызметкерлері.

Жанар Біләлова, полиция департаментінің баспасөз хатшысы:

Суармалы егістікке арналған гидротехнткалық нысан қоршалмаған. Жарық жоқ, қауіпті аумақ екендігін айғақтайтын сақтық белгілері қойылмаған.Адам өліміне апарып соқтырған құрылысты жүргізу кезіндегі бей-берекетісіздік үшін нысан иесіне қатысты қылмыстық іс қозғалды.

Болат Аманбаев