Жаңалықтарды Telegram арнамыздан оқыңыз!Еуропалық Одақ Қазақстан азаматтары үшін Шенген визасын рәсімдеу талаптарын жеңілдету бойынша жұмыстарды бастауға дайын. Еліміздің ішкі істер министрі Ержан Сәденов Брюссельде Еуро-комиссияның миграция және ішкі істер мәселелері жөніндегі директорының орынбасары Йоханнес Лухнермен кездесуде осы мәселені талқылады. Министр еуропалық әріптесіне елдегі көші-қон саясатын жетілдіруге бағытталған шаралар туралы баяндады. Тараптар кибер-қауіпсіздік, лаңкестікпен күресте күш біріктіріп, құқыққорғау саласында өзара тәжірибе алмасуға уағдаласты. Сапар аясында Ержан Сәденов Бельгияның ішкі істер министрімен де кездесті.
Филипп Росси, Бельгия Ішкі Істер Министрлігі Ынтымақтастық жөніндегі департаментінің директоры:
Елдеріңізбен қарым-қатынысымызды дамытуға мүдделіміз. Министрмен кездесуде ынтымақтастықты тағы қай салаларда нығайта алатынымызды талқыладық. Қазақстан мен Бельгия арасында көші-қон бойынша ешқандай проблема жоқ. Заңды миграция. Мұның өзі жағымды жаңалық.
Нұрсұлу Қасым
