Түркістан облысында тұмау өршіп тұр

Түркістан облысында вирустық инфекция жұқтырғандар саны күрт көбейіп кетті. Мамандар тұмауратып қалғандар қатары былтырғымен салыстырғанда 25 есеге өскенін айтады. Яғни өткен жылы 4000-нан астам адам тұмаумен ауруханаға жүгінсе, биыл 102 000-нан аса тұрғынның вирустық инфекция жұқтырғаны анықталған. Оған ауа-райының бірде салқындап, бірде күрт жылынуы себеп дейді дәрігерлер. Сондықтан ақ халаттылар жергілікті халықты екпе егуге шақыруда. Өңірге вакцинасы жеткізілген, облыс тұрғындарының 12,5% -ын егу жоспарлануда. Екпе алдымен тұмау жағдайында асқыну қаупі жоғары адамдарға салынады дейді,- санитар мамандар.

Нұрбек Нышанов, Түркістан облыстық санитариялық-эпидемиологиялық бақылау департаментінің басшысы:

Біздің облысқа қазір вакцина жеткізілді. 248 000-нан астамға тегін егу жұмыстары жүргізіледі. Олар айтқанымыз мынау детдомдағы балаларға және диспансерлік есепте тұратын қарттар, одан бөлек жаңағы жүкті әйелдер екінші, үшінші триместрдегі. Бірінші қазаннан бастап егу жұмыстары жүргізіліп келеді.

Айнұр Әбілқасымқызы