Жаңалықтарды Telegram арнамыздан оқыңыз!
Енді Парламент Сенатының жанынан инклюзия жөніндегі кеңес құрылады. Бұл мүгедектігі бар азаматтардың өзекті мәселелерін қарап, шешу жолдарын қарастырады. Бұл жайында қос палатының депутаттары, бірнеше министрліктер мен халықаралық және жергілікті ұйымдардың өкілдері жиналған дөңгелек үстелде белгілі болды. Палата Төрағасы Мәулен Әшімбаев мүмкіндігі шектеулі жандарға барынша қолдау көрсету маңызды екенін айтты. Ал кеңес мүшелері инклюзия бағытын тиімді іске асыру үшін тиісті ұсыныстар әзірлемек. Жарымжан жандарды жұмысқа орналастыру бойынша тиімді жүйе құрылады.
Баян Жалмағанбетова, Сенат төрағасының әлеуметтік жобалар бойынша кеңесшісі:
Алдағы уақытта осы инклюзияны дамытуға атсалысатын, көптеген өзекті мәселелерді көтеретін, ойларын ашық айта алатын өте ыңғайлы алаң болады деп есептеймін.
Данияр Әлімқұл
