Солтүстік Қазақстанда Есіл өзеніне 1 млн шабақ жіберілді

Солтүстік Қазақстанда Есіл өзеніне 1 млн шабақ жіберілді. Бұл жұмыс табиғи экожүйені қалпына келтіріп, балық санын арттыруға септігін тигізеді. Мамандардың айтуынша, табиғи су қоймаларына түскен дернәсілдердің 40 пайызы ғана жаңа ортаға бейімделіп, өсіп-жетіледі. Негізінен сиг және тұқы балықтарына басымдық беріліп отыр. Өңірдегі өзен-көлдерге жылына 36 млн дернәсіл жіберіледі.

Анастасия молоткова, инкубациялық цех меңгерушісі:

Уылдырықты дернәсілге айналдыру үшін 3 ай уақыт керек. Күн сайын күтім жасаймыз. Салмағы 12 граммнан кем болмауы тиіс. Балық шаруашылығын дамыту мақсатында жыл сайын көктем және күз мезгілінде осындай жұмыс атқарамыз.

Эльмира Кәленова