Шымкентте 850 гектар жер тегін үлестірілген

Шымкентте жер учаскелерін бөлу кезінде сыбайлас жемқорлыққа жол берілгені анықталды. 850 гектар аумақ ешқандай аукционсыз мыңнан астам азаматқа тегін үлестірілген. Уәкілетті органдар жер бөлудің нақты есебін жүргізбей, нысаналы мақсатын ауыстыруда тиісті төлемдер жасалмаған. Ал бизнес нысанын салу үшін жер алғандар ғимараттың сәулеттік жоспары бекітілмей жатып, құрылыс бастап кеткен. Қазір заңсыз берілген телімдер мемлекетке қайтарылып жатыр. Сыбайлас жемқорлыққа қарсы іс-қимыл департаменті қайтарылуы тиіс жер телімінің иесіне бірнеше рет өтемақы берілгенін де анықтады.

Жани Қамбар, қалалық сыбайлас жемқорлыққа қарсы іс-қимыл департаментінің бас маманы:

Изятие бойынша осыдан бір апта бұрын басқарманың екі лауазымды тұлғасы: басшының орынбасары мен бөлім басшысына қатысты сот шешімі шықты. Қылмыстық сот азаматтарға 50-60 миллион теңге айыппұл салды.

Ғани Қалмаханов