Күрестен Әлем чемпионатында Жәмила Бақбергенова қола жүлде алды

Белградта өтіп жатқан күрестен Әлем чемпионатында Жәмила Бақбергенова қола жүлдені иеленді. Үшінші орын үшін болған жекпе-жекте қазақстандық спортшы польшалық Наталья Ивона Стшалкамен кездесіп, оны 4-1 есебімен жеңді. Айта кетейік, бұл медаль Қазақстан үшін Әлем чемпионатындағы үшінші жүлде.

Бұған дейін Азамат Дәулетбеков қола медальға қол жеткізген. Ал Ризабек Айтмұхан алтыннан алқа алып, күрестен қазақстаннан шыққан тұңғыш Әлем чемпионы атанды.

Азамат Бейбітұлы