Нью-Йорктің Манхэттен ауданында ондаған мың адам шеруге шықты

Нью-Йорктің Манхэттен ауданында ондаған мың адам шеруге шықты. Олар АҚШ президенті Джо Байден мен әлем лидерлерін қазбалы отындарды пайдалануды тоқтатуға үндеді. Шерушілер «Климатқа қатысты төтенше жағдай жарияла!» деп жазылған баннерлерді ұстап шыққан. «Климат аптасы» деп аталатын шара БҰҰ Бас Ассамблеясының сессиясы қарсаңында өтіп отыр. Жаһан елдерінде осыған ұқсас 500-дей акция өтеді деген болжам бар.   

Арай Төлегенқызы