Елде бітімгерлік операцияларға қатысты заң өзгерді

Ұжымдық қауіпсіздік шарты ұйымы бітімгершілік қызметіне өзгеріс енгізілді. Заңды бүгін Сенат мақұлдады. Құжатқа сәйкес, әскерилер өзге елдің аумағында кез келген қылмыс жасаса сол елдің заңына сәйкес жауапқа тартылады. Жалпы әскеріміз 30 жылдан бері бітімгерлік миссияларға қатысып келеді. Түрлі оқу-жатығу жұмыстары да ұйымдастырылады. Оларды реттеу үшін ұйым мүшелерінің бірі үйлестіруші мемлекет ретінде әрекет етеді, ал қалғандары қажет болған жағдайда оған қосыла алады.

Ғалиасқар Сарыбаев, ҚР Парламенті Сенатының депутаты:

Үйлестіруші мемлекет логистика, контингентті тасымалдау және қаржы мәселелерін шешу үшін ғана қатыса алады. БҰҰ және басқа да халықаралық ұйымдармен бірге өзара миссиялар, бітімгершілік іс-шараларына қатысқанда сол мемлекетте болатын тараптардың медициналық және өзінің материалдық техникалық қамтамасыз етудің заңдық негізі жоқ болды. Сол негіздерді қабылдау үшін әр тараптың өз есебінен жүргізілетіні анықталды.

Оңғар Алпысбайұлы