Батыс Қазақстан облысында бәйге түрлерінен республикалық чемпионат өтті

Батыс Қазақстан облысында бәйге түрлерінен "Жайық жүйрігі" республикалық чемпионаты өтті. Шашасына шаң жұқтырмаған 130 тұлпардың тұяғы даланы дүбірге толдырды. Ұлттық спорт жарысы бәйгенің төрт түрінен ұйымдастырылды. Облыс атбегілерінің тай жарысы, құнан және 21 шақырым кіші аламан мен 31 шақырым Ұлы аламан бәйгелерде сәйгүліктер шабысы көрерменнің айызын қандырып, делебесін қоздырды. Ат жарысына Алматы, Қарағанды, Маңғыстау, Атырау, Ақтөбе, Батыс Қазақстан облыстарының арғымақтар келді. Ұлы аламанда бас жүлле - 3 млн теңгені жергілікті Теректі ауданы Ақжайық ауылының «Сильвия» сәйгүлігімен жеңіп алды.

Ардақ Мұратқызы