Өскеменде полиглот студенттер арасында пікір-сайыс өтті

Өскеменде полиглот студенттер арасында пікір-сайыс өтті. Тілдер күніне орай ұйымдастырылған дебатқа қаладағы Техникалық және педагогикалық университтің қос командасы қатысты. Бір команда көп тіл білудің артықшылығы мен ерекшелігіне тоқталды.Сайыс кезінде үш тілде сөйлеп мысал келтірді. Ал олардың оппаненттері мемлекеттік тілдің басымдықтарын дәлелдеді. Қазір Қазақстанда қазақ тілін үйренуге барлық жағдай жасалған. Сондықтан мемлекеттік тілді міндеттеу керек деген пікірлер де айтылды. Жалпы соңғы жылдары жоғарғы оқу орнын бітірген түлектер қазақ-орыс тілін еркін меңгеріп, ағылшын тілінің әліппесін танып шығады.

Эльдар Төлеубеков, Қоғамдық келісім орталығының директоры:

Ең негізгі мақсаты жай үш тілді білу емес, сол тілмен өз ойыңды жеткізу. Негізгі мақсат - мемлектетік тіл. Мемлекеттік тілмен бірге басқа тілдерді білсек, біз үлкен дәрежелі болашағымыз бар деп осы жастар арқылы көрсетіп отырғанымыз сол.

Олжас Керейхан