Биыл Германияға жөнелтілетін мұнай көлемі 890 мың тонна болуы тиіс

Германия Қазақстаннан жеткізілетін мұнай көлемін арттыруға қызығушылық танытып отыр. Бұл туралы «ҚазМұнайГаз» ұлттық компаниясы хабарлады. Берлиннің 90 пайызын бензин, дизель, авиация отынымен қамтып отырған ірі компания елімізбен бірқатар келісімшартқа қол қойған. Қос тарап санкциялық қауіп-қатерді де ескеріпті. Құжатқа сәйкес, Қарашығанақ кен орнынан айына 100 мың тонна қара алтын тасымалданады. Биыл жөнелтілетін мұнай көлемі кемінде 890 мың тонна болуы тиіс. Бұған дейін еліміз Германияға жылына 6 млн тоннаға дейін қара алтын экспорттауға дайын екенін жеткізген.

Айя Мүтәлі