Маңғыстауда ұңғымалардың бірінен шыққан өрт әлі сөндірілмеді

Маңғыстауда «Оңтүстік Қаратұрын» кен орындағы апатты жою үшін қосымша жоба әзірлеу қажет. Егер қазіргі жоспар нәтиже бермесе, екінші нұсқа дайын болу керек дейді энергетика вице-министрі Асхат Хасенов. Ол үшін шетелдік тәжірибелерге сүйеніп, қосымша күштер мен ресурстарды тартуға кеңес берді. Айта кетейін, маусымның 9-ы ұңғымалардың бірінен шыққан өрт әлі сөндірілмеді. Апатты жоюдың техникалық жобасына сәйкес, өртеніп жатқан ұңғымаға көлденең 2 ұңғыма қазылған. Енді тағы екеуі қазылмақ. Мамандар сол арқылы бұрғылау ерітіндісін жіберіп, өртті ауыздықтауды көздеп отыр.

Асхат Хасенов, ҚР Энергетика вице-министрі:

Технологиялық процестердің қателіктері белгіленді бұрғылау кезіндегі. Ол заңнамалық белгіленген тәртіппен талқыланатын болады. Оған жауапкершілік бар. Бізде жобалық ұңғыманың тереңдігі бар. Қазір соның жартысынан өттік. Осы апатты сапалы жоюына мән бөліп жатырмыз.

Аягөз Оралбайқызы