Алматыда Тәжікстан өнімдерінің жәрмеңкесі өтті

Алматыда Тәжікстанның ауыл шаруашылығы өнімдері мен өнеркәсіп тауарларының көрмесі өтіп жатыр. Республика сарайының алдына 25 шатыр тігіліп, қолөнер шеберлерінің жұмысы мен ауыл шаруашылығы өнімдері қойылды. Барлығы 200 тоннадан астам өнім әкелінген. Жәрмеңке Тәжікстанның Қазақстандағы мәдениет күндері аясында ұйымдастырылған.

Сухроп Саидов, қолөнер шебері:

Біз бауырлас елміз. Осындай шаралар екі ел арасын жақындата түсеріне кәміл сенемін. Керамикамен айналысып жүргеніме 15 жылдан асты. Алып келген өнімдерімнің жартысынан көбі сатылып кетті.

Нигина Кенжаева, қолөнер шебері:

Менің тігін өнеркәсібімен айналысып жүргеніме 8 жыл болды. Қарапайым тақиядан бастап күртешенің түр-түрін тігеміз. Қазақстанға шақырту алғанда қуанып кеттім. Бауырлас елге алғаш келуім. Көңіл-күйіміз керемет.

Қуан Нұрақын