Жаңалықтарды Telegram арнамыздан оқыңыз!Қарағандыдағы әлеуметтік көмек көрсету орталығында уланған 12 баланың алтауының жағдайы әлі де ауыр. Олар жансақтау бөлімінде жатыр. Бұл туралы денсаулық сақтау министрі айтты. Ажар Ғинияттың сөзінше екі баланың жағдайы күрделі. Дәрігерлер олардың өмірі үшін күресуде деді. Балалардың неден уланғаны әлі де белгісіз. Сот-медицина сараптамасының нәтижесі шықпаған. Еске салсам, тамыздың бірі күні мүмкіндігі шектеулі 12 бала ауруханаға түсіп, біреуі көз жұмды. Қылмыстық іс қозғалып, тергеу жүріп жатыр.
Шерхан Жамбылұлы
