Абай облысындағы туристік нысандарға баратын жолдар жөнделе бастады

Абай облысындағы туристік нысандарға апаратын жолдар жөнделе бастады. Шаңы шығып жататын жерлерге қатынас жеңілдеу үшін асфаль төселіп жатыр. Өңірдегі демалушылар ең көп келетін орынның бірі - Қоңыр әулие үңгірі. Биыл киелі мекенге баратын жолдың 50 шақырымға жуығы жаңартылмақ. Абай ауданындағы Құнанбай қорымына дейінгі 21 шақырым жолда да құрылыс қарқынды. Онда ұлы ақынның 175 жылдығына орай ашылған Құнанбай музейі жұмыс істеп тұр.

Айта кетейік, биыл аймақтағы күре жолдарды жаңғыртуға 25 миллиард теңгеден астам қаржы бөлінген.

Тасболат Битенов, Қарауыл ауылының тұрғыны:

Кішкене жолдың қиындығына байланысты көбі келе алмай, бір-біріне жолы қиын деп айтатын. Ал қазір биылғы жылы жол салынып жатқаннан кейін бе туристер өте көп. Қазір тоқтаусыз күндіз-түні Ресейден, кейбір шет елден, Германиядан келген туристерді көрдік. Сондықтан бұл халыққа жақсы. Туристік кластерді дамытуға, оның ішінде Абай еліне деген бір жақсылық жасалып жатыр.

Ержан Жақып