Жетісу облысында селден кейінгі тазарту жұмыстары жалғасуда

Жетісу облысында селден кейінгі тазарту жұмыстары жалғасуда. Ескелді ауданындағы екі елдімекенде аулаларды су басқан еді. Толассыз жауған жауын салдарынан су басқан ауылдардың тұрғындарына төтенше жағдайлар департаментінің құтқарушыларымен бірге Ұлттық ұланының әскери қызметшілері де көмек көрсетуде.

Екі күннен бері 6 мың текше метр су сорылып, 60 тонна балшық шығарылған. Еске салайын, 12 тамыз күні Ескелді ауданында нөсер жауын жауып, су деңгейі көтеріліп екі ауылда 120-ға тарта үйдің ауласына, 20 баспананың ішіне су кірді. 30 адам қауіпсіз жерге шығарылды.

Қуан Нұрақын