Жаңалықтарды Telegram арнамыздан оқыңыз!22-23 қазанда Астанада Медициналық-санитариялық алғашқы көмек бойынша Жаһандық конференция өтеді. Бұл туралы Денсаулық сақтау министрі Дүниежүзілік денсаулық сақтау ұйымының іс-шараларын өткізу аясында дипломатиялық корпус өкілдерімен кездесу барысында айтты. Конференцияға 80 елден 600-ден астам делегат қатысады деп жоспарланған.
Онлайн форматта 2 мыңға жуық адам атсалысады. Ал 24-26 қазанда Дүниежүзілік денсаулық сақтау ұйымы Еуропалық өңірлік комитетінің 73-сессиясы өтеді. Оған 53 елдің денсаулық сақтау министрлері қатысады. Басқосуда өңірлік мәселелер талқыланып, бірлескен қарар қабылданады.
Дарын Сағитов
