Жаңалықтарды Telegram арнамыздан оқыңыз!
Испанияда су қоймалары құрғай бастады. Каталония аймағында 22 ауыл тіршілік нәрін қатаң түрде үнемдеп тұтынуға мәжбүр. Бұл елдімекендерде 25 мыңдай адам тұрады. Олар суды пайдалануды күніне орташа алғанда 200 литрге дейін азайтты. Тіптен кейбір ауылдарда бақшаны суаруға, спорт алаңдары мен көшелерге су шашуға мүлдем тыйым салынбақ. Испанияда биыл 1960 жылдан бері болмаған қуаңшылық тіркеліп отыр. Жағдайды аймақтағы 40 градустан асқан аптап ыстық қиындатты. Соның салдарынан резервуардағы су буланып, құрғай бастаған.
Арай Төлеген
