Астанаға келген шетелдік туристер әр күн үшін 1725 теңге төлеуге міндеттеледі

Астанаға келген шетелдік туристер әр күн үшін 1725 теңге төлеуге міндеттеледі. Жалпы шетелдік қонақтардан алынатын мұндай төлем биылдан бастап енгізілген. Алайда кәсіпкерлер оның төлеу механизмі жолға қойылмаған деп шағымданып отыр. Ал бұл, әрине, қонақ үй жұмысын қиындатқан. Сондай-ақ туризмді дамыту орталығы жарнаның мөлшерін қалаға келген туристердің санына қарай белгілеуді ұсынды. Әрі оны әр әкімдік өзі белгілейтіндіктен, жиналған қаражаттың қайда жұмсалатыны туралы ашық ақпарат беруді сұрады. Еске салайық, жыл басынан бері бюджетке 314 млн теңгеге жуық туристік жарна түскен. Жиналған қаражаттың 86 пайызы Алматы қаласына тиесілі. 

Айя Мүтәлі