Елде ипотекалық қарыз өсті

Қазақстандықтар баспананы несиеге алуды көбейткен. Соңғы 3 жылда тұрғындардың ипотекалық қарызы 3 трлн теңгеге дейін өсті. Ұлттық банк келтірген дерекке сенсек, тұрғын үйді несиеге алғандардың дені – астаналықтар. Банк қала тұрғындарына 1 трлн 45 млрд теңге қарыз берген. Одан кейін алматылықтар 1 трлн 16 млрд теңгеге, қарағандылықтар 316 млрд теңгеге ипотека рәсімдеген. Ал сарапшылар қарыздың өсуін баспананың қымбаттауымен байланыстырады. Соңғы бір жылдың өзінде пәтер бағасы 20 пайызға дейін көтерілді.

Айя Мүтәлі