Қазақстан импортталған сүтке тәуелді болып барады - фермерлер одағы

Елімізде сүт тапшы. Отандық фермерлер жабылудың сәл алдында тұр. Бұл туралы Қазақстан фермерлер одағының төрағасы Игорь Жабяк мәлімдеді. Оның айтуынша, табиғи шикі сүт қоры жетіспегендіктен, қазір кәсіпорындар өндіріс көлемін азайта бастаған. Кейбірі құрғақ сүтті пайдалану арқылы өндірісті жалғастырып отыр. Ал бұл ұнтақты шаруалар шетелден қымбатқа сатып алады. Фермерлер одағы импорталған өнімге Қазақстан одан сайын тәуелді болып барады деп дабыл қағуда. Себебі қазір солтүстік нарықты Ресей сүтпен қамтып отыр. Ал басқа өңірлерде сүт бағасы сырттан келген өнімдерден қымбат болғандықтан, тұтынушылар да азайып барады.

Айя Мүтәлі