Жаңалықтарды Telegram арнамыздан оқыңыз!Тарбағатайдың тұмса табиғаты мен сирек кездесетін жан-жануарлар әлемін тамашалағысы келетіндердің қатары жыл санап артып келеді. Абай облысындағы «Тарбағатай» ұлттық табиғи парк аумағы 143 мың гектардан астам жерді алып жатыр. Қазір мұнда төрт бірдей туристік бағыт құрылған.
Диана Керімтаева, «Тарбағатай» МҰТП Туризм бөлімінің басшысы:
Төрт туристік маршруттың паспорты бекітілген болатын. Қазіргі уақытте екі туристік маршрутымызды толық абаттандыру жұмыстары жүргізілген. Төр туристік маршрутымыз деген «Әлет», «Қарабас», «Қусақ», «Әлемді» деген.
Үржар ауданында орналасқан «Тарбағатай» ұлттық табиғи паркінде 1640 түрлі өсімдік бар, 380-ге жуық жан-жануар мекендейді. Олардың дені «Қызыл кітапқа» енген. Әлемде жоғалып, сиреп бара жатқан тіршілік иелерінің дені осы парк аумағынан табылады.
Еділ Жүнісов, орман шебері:
Әр өсімдіктің, талдың гүлденуі, бұтақтау, бүршіктенуін бәрін біз бақылаймыз. Жануарлардың да қай уақытта қыстан шықты. Іннен шыққаны бар, кіргені бар. Фототұзақпен, визуалды бақылаумен санақтар ай сайын, айлық есептерде біз тапсырып отырамыз. Келешекте мына кемел ұрпағымызға да бірдеңе қалу керек қой енді.
Ержан Жақып
