Президент Қаржылық мониторинг агенттігінің төрағасын қабылдады

Жыл басынан бері 94 млрд теңге шығын өтеліп, активтер қайтарылды. 5 қылмыстық топ жойылды. Бұл туралы Президент қабылдауында болған Қаржылық мониторинг агенттігінің төрағасы Жанат Элиманов айтты. Оның сөзінше агенттік 22 қаржы пирамидасының жолын кескен. Жасырын 11 казино мен 2 букмекерлік кеңсе жабылды.

Бюджет қаржысын жымқыру фактілері бойынша отын-энергетика кешенінде, коммуналдық қызмет көрсету және газ саласында бірқатар іс тергеліп жатыр. Қасым-Жомарт Тоқаев шетелге заңсыз қаражат шығарудың және ұлттық жобаларға бөлінетін қаржыны жымқырудың жолын кесуге бағытталған бірқатар тапсырма берді.

Шерхан Жамбылұлы