Жаңалықтарды Telegram арнамыздан оқыңыз!
Жеңілдетілген автонесие бағдарламасын жалғастыру әзірге жоспарда жоқ. Ал утиль алымы жалғаса береді. Премьер-министрдің орынбасары Роман Скляр бір топ депутаттың сауалына жауап берді. Бұған дейін мәжілісмендер техниканы утилизациялауға арналған зауыттың бірі бүгінде жұмыс істемейтіндіктен, утиль алымды уақытша тоқтатуды талап еткен. Ал осы уақытқа дейін жиналған қаражатты 4 пайыздық автонесие жобасына бөлуді ұсынған еді. Роман Склярдың сөзінше, техниканы утилизациялауға арналған өзге 4 зауыт бар. «Яғни, Экологиялық кодекске сүйенсек, бұл мүмкін емес» деп жауап берді. Сондай-ақ, 4 пайыздық автонесие жобасы ескірген қоғамдық көліктерді жаңартуға бағытталатынын айтты.
Айя Мүтәлі
