Жаңалықтарды Telegram арнамыздан оқыңыз!Астанада коммуналдық қызмет бағасы осы айдан бастап 20 пайызға дейін өсті. Атап айтқанда, судың тарифі 10 теңгеге қымбаттаған. Яғни, 1 текше метр суық су 48 теңгеден 58 теңгеге дейін, ал су бұру тарифі 7 теңге 50 тиынға өсті. Жалпы «Астана су арнасы» бағаны 21 теңгеге, яғни 37 пайызға өсіру туралы өтінім берген. Ал электр қуаты 2 жарым теңгеге қымбаттады. 1 киловат қуат көзі 20 теңгеден 23 теңгеге өсті. Ал қаланы жарықпен қамтып отырған екі кәсіпорын тарифті 7 теңгеге қымбаттату туралы өтінім берген еді. Жылу тарифі де 20 пайызға көтерілді. Бұған дейін бір шаршы метр үшін 1837 теңге болса, енді 2261 теңге төлеу қажет.
Айя Мүтәлі
