Монополияға қарсы заңды бұзған 4 қант зауытына айыппұл салынды

Монополияға қарсы заңды бұзған 4 қант зауытына айыппұл салынды. Бұл туралы Бәсекелестікті қорғау және дамыту агенттігі жекелеген тауар нарықтарындағы бәсекелестіктің жай-күйі туралы баяндамасында айтты.

«Тараз қант зауытына» тексеру тағайындалып, ескерту жасалған. Оны орындамағаны үшін сот шешімімен зауытқа 8,5 миллион теңгеден астам айыппұл салынған. Сонымен қатар «Меркі қант» серіктестігіне қатысты да шара қолданылған. Бағаны белгілеу және ұстау бойынша ережелерге сай әрекет етпеген. Талаптарға бей-жай қарағаны үшін «Меркі қант» зауыты мен Ақсуқантқа 428 820 теңге мөлшерінде айыппұл салынған. Көксу және Тараз зауыттарына шамамен 1 миллион 255 мың 200 теңге төлеу міндеттелген.