Қазақстанда АЭС салу тиімсіз

Атом электр станциясын салу тиімсіз. «Самұрық-Қазына» әл-ауқат қорының басқарма төрағасы Нұрлан Жақыпов жобаға күмән келтірді. Оның пікірінше, кем дегенде 10 жылға созылатын станция құрылысына қыруар қаржы қажет. Ал нысан пайдалануға берілгенше, елдегі ірі су айдындары тартылып кетуі мүмкін. Су тапшылығы өзекті кезде жоба құрылысына орын таңдау да қиын. Атом станциясы бөлінген қаржыны ақтамайды, - дейді Самұрұқ-Қазына төрағасы.

Нұрлан Жақыпов, «Самұрық-Қазына» АҚ Басқарма төрағасы:

Атом электр станциясын салуға көп қаражат кетеді. Миллиардтаған доллар керек болуы мүмкін. Мемлекет бұл соманы таба ала ма? Инвестор құйған қаржыны қайтару үшін тарифтер қымбат болуы керек. Су тапшылығы мен халықтың қарсылығы бар. Сондықтан бұл шешімді жан-жақты ойланып барып қабылдау керек.

Серік Селеубайұлы