Павлодар мұнай-химия зауытына қатысты тергеу жүріп жатыр

Павлодар мұнай-химия зауытына қатысты қылмыстық іс қозғалып, тергеу жүріп жатыр. Бұл жөнінде облыс прокурорының орынбасары Мәрлен Сләмбеков хабарлады. Бүгінде кәсіпорын күрделі жөндеуге байланысты тоқтап тұр. Прокурордың сөзінше, Ұлттық қауіпсіздік комитеті бірнеше бап бойынша қарастырып жатқан қылмыстық істің зауыттың тоқтап тұруына еш қатысы жоқ.

Мәрлен Сләмбеков, облыс прокурорының орынбасары:

Қазір Ұлттық қауіпсіздік комитетінің облыстық департаменті Павлодар мұнай-химия зауытына қатысты тергеу жүргізіп жатыр. Қылмыстық заңның 385-бабы бойынша (қолдан құжат дайындау,) 197-бап (мұнай өнімдерін заңсыз тасымалдау) және 214-бап (кәсіпкерлікпен заңсыз айналысу) деректері қарастырылуда.

Болат Аманбаев