Жаңалықтарды Telegram арнамыздан оқыңыз!
Ақтөбе облысы, Қобда ауданының аумағынан ғұн-сармат тайпаларына тиесілі құнды жәдігерлер табылды. Қазба жұмыстары Қиыл өзеніне жақын жерде жүріп жатыр. Дербісәлі қорымын зерттеу кезінде археологтар жауынгер қылышын, ағаш пен қыштан жасалған ыдыстар мен түрлі әшекейлерді тапты. Бұл қорған II-IV ғасырларға тиесілі. Бүгінге дейін осы аумақтағы 48 нысанның жетеуі аршылған. Оның бірі ғибадатхана екені белгілі болып отыр. Алдағы уақытта Әйтеке би, Ойыл және Темір аудандарында да зерттеу жұмыстары жүргізіледі. Осы уақытқа барлығы 400-ге жуық қорған анықталған. Мамандар табылып жатқан жәдігерлердің тарихи құндылығы жоғары екенін айтып отыр.
Аслан Мамедов, Ә. Марғұлан атындағы археология институтының бас ғылыми қызметкері:
Бұл жұмыстардың бәрі бізде екі бағыттан тұрады. Бірінші бағыт – Ақтөбе жанынан табылған жауынгердің кастюмін қалпына келтіру. Содан кейін қасынан табылған ат әбзелдерін қалпына келтіру арқылы аттың бейнесін келтіру.
Жақсыбек Кемал
