Жамбыл облысында тұрғындардан 250-ден астам қару-жарақ тәркіленді

Жамбыл облысында тұрғындардан биылғы алты айда 250-ден астам қару-жарақ тәркіленді.

Көбі ор-шұңқырлар мен өзендерге жасырылған. Олардың ішінде 17 автомат, 70 тапанша бар. Сондай-ақ 170 мылтық пен 15 граната да табылған. Ал жалпы 41 дана қару қаңтар оқиғасы кезінде облыстық Полиция департаментінен ұрланған болып шықты.

Барлық қаруға қатысты сотқа дейінгі тергеу жүріп, сараптама тағайындалған. Сақшылар заңсыз қаруды өткізгендер мен жасырын жатқан жерін хабарлағандарға қылмыстық қудалау болмайтынын ескертеді.

Данияр Әлімқұл