Елде мемлекеттік автонөмірлерінің констуктор қызметі іске қосылуы мүмкін

Енді автокөлігіңіздің нөміріне қалаған әріптерді жазып алсаңыз да болады! Елде мемлекеттік автонөмірлерінің констуктор қызметі іске қосылуы мүмкін. Бұл туралы цифрлық даму министрі Бағдат Мусин мәлімдеді. Қазір бұл мәселе ІІМ-мен бірге талқыланып жатыр. Министр мұндай нөмірлерді сату арқылы бюджетке қосымша қаражат түсетінін айтты. Бұған жұртшылықтың пікірі қандай?

- Оған рұқсат бердік, ақша төледім деп әркім ойна келгінен жазып алса онда не болады? Көшеде жүре алмай қаламыз ғой. Сондықтан бірінші ақшаны емес, осы жағын ескеру керек. Ең алдымен ережесін бекітуіміз керек. Мынадай сөздер қолданылмай дегендей.
- Ақыры номерді алып жатыр. Бір тиын болса да мемлекетке пайдасы тисе жақсы ғой.
- Қалтаға кетпеуін қадағалау керек. Ол электронды түрде жария болса, сонда дұрыс болар еді. Қаражат медицинаға, мүгедектерге жұмсалғаны пайдалы болар еді.

Ғани Қалмаханов