Шымкентте АИ-95 маркілі бензин өндірілмейді

Екі ай бұрын ғана жөндеуден өткен Шымкент мұнай өңдеу зауытының жұмысы тағы да баяулады. Жылу алмастырғыш қондырғысы бұзылғандықтан АИ-95 маркілі бензинді өндіру мүмкін болмай отыр. Оны ауыстырмаған жағдайда шығын үш есеге көбеймек. Сондай-ақ октанды жоғарылату қоспасы да көп жұмсалмақ. Зауыт өндірісіне қажетті қондырғы Ресейде ғана өндіріледі. Құны шамамен 10 миллион доллар. Жұмысты мүлдем тоқтатпау үшін өнімдерді жартылай өңделген қалпында қоймада сақтауға тура келеді. Бұл бензин бағасының қымбаттауына әкеп соқтырады дейді мамандар. Ал, қондырғыны ауыстыруға қанша уақыт кететінін ешкім айта алмай отыр.

Ғани Қалмаханов