Абай облысындағы өрт кезінде ерлік жасаған қызметкерлер мемлекеттік наградалармен марапатталды

Абай облысындағы өрт кезінде ерлік жасаған қызметкерлер мемлекеттік наградалармен марапатталды. Президент бүгін тиісті қаулыға қол қойды. Қорғаныс министрлігінің бір қызметкері мен ішкі істер министрлігінің екі маманы екінші дәрежелі «Айбын» орденін иеленді. Төтенше жағдайлар министрлігінің төрт қызметкері Үшінші дәрежелі «Айбын» орденімен марапатталды. Жалынмен арпалысқан 12 адамға «Ерлігі үшін» медалі берілсе, бір сарбаз «Жауынгерлік ерлігі үшін» төсбелгісін алды. Экология және табиғи ресурстар министрлігінің екі маманына «Ерен еңбегі үшін» медальдары табысталды.  

Оңғар Алпысбайұлы