Жаңалықтарды Telegram арнамыздан оқыңыз!
Астанада Аманат партиясы атынан сайланған мәслихат депутаттарының республикалық форумы өтіп жатыр. Мұндай шара елімізде тұңғыш рет ұйымдастырылып отыр. Әріптесім Оңғар Алпысбайұлы жиыннан тікелей эфирге қосылуға дайын. Оңғар, форумда қандай мәселелер көтеріліп жатыр?
Оңғар Алпысбайұлы, тілші:
Барлық деңгейдегі мәслихат депутаттары, Парламент депутаттары, Мемлекеттік хатшы, Үкімет басшысы және Үкімет мүшелері қатысып жатыр. Сондықтан бүгінгі шарада қозғалып жатқан тақырып та әр түрлі. Негізгісі халықтың үдесінен шығу үшін қалай жұмыс істеу керек? Және сайлауалды бағдарламасында мәселелерді іске асыру үшін не істеу керек? Ел бойынша 3,5 мың депутат болса соның 75 пайызы Аманат партиясы атынан сайланған екен.
Дулат Әбіш, Түркістан облысы мәслихатының депутаты:
Қазір депутаттыққа құмар болмау керек. Бұрынғыдай өз пайдасы үшін барған болмайды. Тендер алам анау мынау деген болмайды.
Аманат партиясынан сайланған депутаттардың форумы бүгін бірінші рет өтіп жатыр. Болашақта дәстүрлі түрде өтеді деген жоспар бар. Түстен кейін панелдік сессиялар өтеді.
Оңғар Алпысбайұлы
Оңғар Алпысбайұлы
