Жаңалықтарды Telegram арнамыздан оқыңыз!
Шығыс Қазақстан облысында Қатонқарағайдың қайдатан аудан болып құрылуға әлеуеті толық жетеді. Тек ауылдарды дамыту үшін бұған дейін жасалған бағдарлама мен жобаларды тағы бір пысықтап, нақты қолға алу керек. Оған қоса туризм мен омарташылықты дамытып, ет пен сүт өңдеу дұрыс жолға қойылса аяғынан тез тұрмақ. Шекаралық аудан тұрғындарының пікірін тілшіміз-Олжас Керейхан арнайы барып көріп келді.
Қатонқарай бұрын маралы мен төрт түлігі түлеген аудан болатын. Қазір сәл жүдеген. Өмірін осы өңірдің дамуына арнаған Төленді Мерғазин ақсақал әр салада ауданның нақты бағдарламасын жасауды ұсынып отыр.
Төленді Мерғазин, аудандық Қоғамдық кеңес мүшесі:
Нақты бағдарлама құрылу керек? Ол ауданның әкіміне тапсырылып, жүктелу керек. Соны қадағалап, бөлінген қаржының ешқайда кетпей өз жемісін беруге тіисті.
Жемісін беріп тұрған саланың бірі туризм. Осы салада кәсіп етіп жүрген Жандос Ахмадиев өңірдегі туризмді жыл он екі ай дамытуға дайын.
Жандос Ахмадиев, кәсіпкер:
Енді осы мына қыстық туризмді дамытып, қыстық туризмді қолға алып, үкімет жағынан бір бағдарламасын, жобасы іске асырылса деп ойлаймын.
Қатонқарғайда қазір барлық әлеуметтік нысан жұмыс істеп тұр. Екі мектеп, балабақша және аудандық деңгейдегі аурухана да бар.
Гүлжан Төлегенқызы, мектеп директоры:
Бір мектепте 326 бала оқып жатқан болса, еікінші мектепте 150 ден астам бала оқып жатыр. Енді аудан орталығы келгеннен кейін, халық саны тұрақталып, соның нәтижесінде бала саны көбейеді деп ойлаймын.
Серік Нұролдин, ауыл тұрғыны:
Бірінші кезекте жол. Ауылдың ішін. Соларды істеу керек?Жастардың бәрі келеді. Міне үйлер қаңарап кетіп барады тозып.
Олжас Керейхан, тілші:
Қатонқарғайда мындай бос тұрған оншақты ғимарат бар. Олардың бәрінде ие болғанмен, есік терезесі жұлынған кие жоқ. Енді аудан болып қайта құрылған соң бірінші кезекте қаңырап қалған нысандарды қалпына келтіру мәселесі тұр.
Үңірейіп тұрған кейбір үйлер талай жылдан бері сатылмда тұр. Құты кетіп құлағалы тұрса да иелері бұл баспаналарды қымбатқа сатуды ойлап отыр. Ал иесіз ғимараттар мемлекет меншігіне өтеді.
Қайрат Нұрханов, Қатонқарағай ауылдық округінің әкімі:
Оны біз өзімізге балансқа аламыз да, онан кейін бюджеттен қаражат сұрап, оларды қалпына келтіруге болатын болса, оларды қалпына келтіреміз. Болмаса, бұзып жерін басқа құрылыстар салғана береміз.
Жиырма бес жыл бұрын жеке аудан кезінде 30 мыңға жуық тұрғын болса, қазір 3 мыңнан сәл асады. Дегенмен халық ауылдан кіндігін де, үмітін үзген жоқ. Арада 25 жыл өткенде сол елдің үміті қайта ақталды.
Олжас Керейхан
