Жаңалықтарды Telegram арнамыздан оқыңыз!Алматыда Орталық Азия елдері мен Ресей Қауіпсіздік кеңестері хатшыларының бірінші кездесуі өтіп, қазіргі геосаяси жағдай талқыланды. 6 елден келген өкілдер шекара арқылы өтетін есірткі трафигін тоқтату, трансұлттық ұйымдасқан қылмыстық топтардың жолын кесудің тиімді тәсілдерін қарастырды. Қазақстан Қауіпсіздік кеңесінің басшысы Ғизат Нұрдәулетов ресейлік әріптесі Николай Патрушевпен Ауғанстандағы жағдайды тұрақтандыру, сондай-ақ азық-түлік қауіпсіздігін бірлесе қамтамасыз ету бойынша пікір алмасты. Форумда Президент Қасым-Жомарт Тоқаев бейнеүндеу арқылы қатысшуларды құттықтап, аймақ үшін тұрақтылықты сақтау басты міндет екенін айтты.
Нұрсұлтан Тілектес
